ਹਿਮਾਚਲੀ ਪਰਿਵਾਰ ਮਿਲਣ ਸਮਾਰੋਹ ਵਿੱਚ ਗੂੰਜੀ ਪਹਾੜੀ ਸਭਿਆਚਾਰ ਦੀ ਧੁਨ, ਭਾਜਪਾ ਜ਼ਿਲ੍ਹਾ ਪ੍ਰਧਾਨ ਸੁਨੀਲ ਮੋਦੀਗਲ ਸਨਮਾਨਿਤ
ਹਿਮਾਚਲੀ ਪਰਿਵਾਰ ਮਿਲਣ ਸਮਾਰੋਹ ਵਿੱਚ ਗੂੰਜੀ ਪਹਾੜੀ ਸਭਿਆਚਾਰ ਦੀ ਧੁਨ, ਭਾਜਪਾ ਜ਼ਿਲ੍ਹਾ ਪ੍ਰਧਾਨ ਸੁਨੀਲ ਮੋਦੀਗਲ ਸਨਮਾਨਿਤ
ਲੁਧਿਆਣਾ 9 ਅਗਸਤ (ਮਨਜੀਤ ਸਿੰਘ ਰੋਮਾਣਾ) ਹਿਮਾਚਲ ਪ੍ਰਾਂਤੀ ਸਭਾ ਵੱਲੋਂ ਐਤਵਾਰ ਨੂੰ ਚੰਦਰ ਨਗਰ ਸਥਿਤ ਸ਼ਿਵ ਸ਼ਕਤੀ ਬੈਂਕਵਿਟ ਹਾਲ ਵਿੱਚ ਹਿਮਾਚਲ ਪਰਿਵਾਰ ਮਿਲਣ ਸਮਾਰੋਹ ਅਤੇ ਸਨਮਾਨ ਸਮਾਰੋਹ ਕਰਵਾਇਆ ਗਿਆ। ਸਮਾਰੋਹ ਦੀ ਪ੍ਰਧਾਨਗੀ ਰਾਜੇਸ਼ ਰਤਨ ਭਾਰਦਵਾਜ ਨੇ ਕੀਤੀ। ਇਸ ਮੌਕੇ ਲੁਧਿਆਣਾ ਵਿੱਚ ਵੱਸ ਰਹੇ ਹਿਮਾਚਲ ਪ੍ਰਦੇਸ਼ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਨਾਲ ਸਬੰਧਤ ਪਰਿਵਾਰਾਂ ਨੇ ਵੱਡੀ ਗਿਣਤੀ ਵਿੱਚ ਸ਼ਮੂਲੀਅਤ ਕੀਤੀ।
ਸਮਾਰੋਹ ਦੌਰਾਨ ਮਨੋਜ ਦਿਓਟ, ਰਾਕੇਸ਼ ਪਰਮਾਰ, ਰਿਸ਼ੀ ਜੀ ਅਤੇ ਅਸ਼ੋਕ ਹਿਮਾਚਲੀ ਵੱਲੋਂ ਭਜਨ-ਕੀਰਤਨ ਅਤੇ ਪਹਾੜੀ ਸੱਭਿਆਚਾਰਕ ਪੇਸ਼ਕਾਰੀਆਂ ਕੀਤੀਆਂ ਗਈਆਂ। ਇਨ੍ਹਾਂ ਪੇਸ਼ਕਾਰੀਆਂ ਨੇ ਹਾਜ਼ਰੀਨ ਦਾ ਮਨ ਮੋਹ ਲਿਆ ਅਤੇ ਪੂਰਾ ਸਮਾਰੋਹ ਪਹਾੜੀ ਸੱਭਿਆਚਾਰ ਦੇ ਰੰਗ ਵਿੱਚ ਰੰਗਿਆ ਗਿਆ।
ਇਸ ਮੌਕੇ ਹਿਮਾਚਲ ਪ੍ਰਾਂਤੀ ਸਭਾ ਵੱਲੋਂ ਭਾਜਪਾ ਦੇ ਨਵ-ਨਿਯੁਕਤ ਜ਼ਿਲ੍ਹਾ ਪ੍ਰਧਾਨ ਸੁਨੀਲ ਮੋਦੀਗਲ ਨੂੰ ਵਿਸ਼ੇਸ਼ ਤੌਰ ’ਤੇ ਸਨਮਾਨਿਤ ਕੀਤਾ ਗਿਆ। ਸਭਾ ਦੇ ਅਹੁਦੇਦਾਰਾਂ ਨੇ ਉਨ੍ਹਾਂ ਨੂੰ ਸ਼ਾਲ ਅਤੇ ਯਾਦਗਾਰੀ ਚਿੰਨ੍ਹ ਭੇਟ ਕਰਕੇ ਸਨਮਾਨ ਦਿੱਤਾ।
ਰਾਜੇਸ਼ ਭਾਰਦਵਾਜ ਅਤੇ ਅਮਿਤ ਡੋਗਰਾ ਨੇ ਕਿਹਾ ਕਿ ਸੁਨੀਲ ਮੋਦੀਗਲ ਨੇ ਭਾਜਪਾ ਦੇ ਨਾਲ-ਨਾਲ ਸਮਾਜਿਕ ਖੇਤਰ ਵਿੱਚ ਵੀ ਉਲੇਖਣਯੋਗ ਸੇਵਾਵਾਂ ਨਿਭਾਈਆਂ ਹਨ। ਭਾਜਪਾ ਲੀਡਰਸ਼ਿਪ ਵੱਲੋਂ ਉਨ੍ਹਾਂ ਨੂੰ ਮਹੱਤਵਪੂਰਨ ਜ਼ਿੰਮੇਵਾਰੀ ਸੌਂਪੇ ਜਾਣ ਨਾਲ ਹਿਮਾਚਲੀ ਸਮਾਜ ਵਿੱਚ ਖੁਸ਼ੀ ਦੀ ਲਹਿਰ ਹੈ। ਉਨ੍ਹਾਂ ਕਿਹਾ ਕਿ ਸਮਾਰੋਹ ਦਾ ਮੁੱਖ ਉਦੇਸ਼ ਲੁਧਿਆਣਾ ਵਿੱਚ ਵੱਸਦੇ ਹਿਮਾਚਲ ਪ੍ਰਦੇਸ਼ ਦੇ ਲੋਕਾਂ ਨੂੰ ਇੱਕ ਮੰਚ ’ਤੇ ਇਕੱਠਾ ਕਰਨਾ ਅਤੇ ਆਪਸੀ ਭਾਈਚਾਰੇ ਨੂੰ ਹੋਰ ਮਜ਼ਬੂਤ ਕਰਨਾ ਹੈ।
ਸਨਮਾਨ ਤੋਂ ਬਾਅਦ ਸੁਨੀਲ ਮੋਦੀਗਲ ਨੇ ਹਿਮਾਚਲੀ ਪਰਿਵਾਰਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੂੰ ਮਿਲਿਆ ਪਿਆਰ ਅਤੇ ਸਨਮਾਨ ਉਨ੍ਹਾਂ ਲਈ ਬਹੁਤ ਹੀ ਭਾਵੁਕ ਪਲ ਹੈ। ਉਨ੍ਹਾਂ ਕਿਹਾ ਕਿ ਉਹ ਭਵਿੱਖ ਵਿੱਚ ਵੀ ਹਿਮਾਚਲੀ ਸਮਾਜ ਦੀ ਸੇਵਾ ਅਤੇ ਏਕਤਾ ਲਈ ਪੂਰੀ ਨਿਸ਼ਠਾ ਨਾਲ ਕੰਮ ਕਰਦੇ ਰਹਿਣਗੇ।
ਇਸ ਮੌਕੇ ਸੁਰਿੰਦਰ ਗੁੱਜਰ ਨੇ ਸਮਾਰੋਹ ਨੂੰ ਸਫਲ ਬਣਾਉਣ ਲਈ ਸਹਿਯੋਗੀਆਂ ਦਾ ਧੰਨਵਾਦ ਕੀਤਾ। ਸਮਾਰੋਹ ਦੇ ਅੰਤ ਵਿੱਚ ਹਾਜ਼ਰੀਨ ਲਈ ਵਿਸ਼ੇਸ਼ ਹਿਮਾਚਲੀ ਧਾਮ ਦਾ ਪ੍ਰਬੰਧ ਕੀਤਾ ਗਿਆ।
ਇਸ ਮੌਕੇ ਰਾਜੀਵ ਕਤਨਾ, ਲੀਨਾ ਟਪਾਰੀਆ, ਸਾਨੀਆ ਸ਼ਰਮਾ, ਕਸ਼ਮੀਰ ਸਿੰਘ ਪਟਿਆਲ, ਕਰਮ ਚੰਦ, ਰਾਜ ਕੁਮਾਰ ਸ਼ਰਮਾ, ਅਨਿਲ ਠਾਕੁਰ, ਅੰਜੀਵ ਗੁਲੇਰੀਆ, ਵਿੱਕੀ ਰਾਣਾ, ਸ਼ਾਮ ਲਾਲ ਫੌਜੀ, ਪਵਨ ਸ਼ਰਮਾ, ਵਿਜੈ ਸ਼ਰਮਾ, ਪਰਵਿੰਦਰ ਪਠਾਨੀਆ, ਜੁਗਲ ਡੋਗਰਾ, ਸੁਸ਼ੀਲ ਸ਼ਰਮਾ, ਰਾਮਸਰੂਪ, ਰਾਕੇਸ਼ ਮਿਨਹਾਸ, ਸੰਤ ਸਿੰਘ ਰਾਣਾ, ਦਲੀਪ ਕੁਮਾਰ, ਚੰਦਰ ਮੋਹਨ, ਪਾਰਿਤੋਸ਼ ਪਾਸੀ, ਅਰੁਣ ਨਾਰੰਗ, ਰਮਨ ਮਹਾਜਨ, ਕਮਲ ਸ਼ਰਮਾ, ਵਿਜੈ ਠਾਕੁਰ ਸਮੇਤ ਵੱਡੀ ਗਿਣਤੀ ਵਿੱਚ ਸਭਾ ਦੇ ਅਹੁਦੇਦਾਰ ਅਤੇ ਮੈਂਬਰ ਮੌਜੂਦ ਰਹੇ।
टिप्पणियाँ
एक टिप्पणी भेजें