ਆਉ ਵੇਲੀਓ ਬਈ ਹੋਈਏ ਕੁਦਰਤ ਦੇ ਨੇੜੇ।
ਆਉ ਵੇਲੀਓ ਬਈ ਹੋਈਏ ਕੁਦਰਤ ਦੇ ਨੇੜੇ।
ਤੱਕੀਏ ਉਨ੍ਹਾਂ ਰੁੱਖਾਂ ਵੱਲ ਜ਼ੋ ਦੇਵਣ ਛਾਵਾਂ,
ਜੀ ਕਰਦਾ ਮੈਂ ਵੀ ਇੱਕ ਬੂਟਾ ਛਾਂ ਦਾ ਲਾਵਾਂ,
ਹੁਣ ਸਾਡੇ ਕਿਸ ਗੱਲ ਦੇ ਦੱਸੋ ਝਗੜੇ ਝੇੜੇ,
ਆਉ ਵੇਲੀਓ ਬਈ ਹੋਈਏ ਕੁਦਰਤ ਦੇ ਨੇੜੇ।
ਦੇਖੋ ਹਰ ਚੀਜ਼ ਵੱਲੇ ਜ਼ੋ ਸ੍ਰਿਸ਼ਟੀ ਨੇ ਸਾਜੀ,
ਰੰਗ ਫੁੱਲਾਂ ਦੇ ਵੇਖਕੇ ਤੇ ਰੂਹ ਹੁੰਦੀ ਤਾਜ਼ੀ,
ਆਪਾਂ ਖੁਸ਼ੀਆਂ ਸਿਰਜ ਲਈਏ ਦਿਲ ਦੇ ਵਿਹੜੇ,
ਆਉ ਵੇਲੀਓ ਬਈ ਹੋਈਏ ਕੁਦਰਤ ਦੇ ਨੇੜੇ।
ਰੁੱਖ ਸੁੱਕੇ ਜਿਹੜੇ ਨੇ ਪਾਈਏ ਉਨ੍ਹਾਂ ਨੂੰ ਪਾਣੀ,
ਇਨ੍ਹਾਂ ਨਾਲ ਚੱਲਦੀ ਏ ਸਾਡੀ ਜ਼ਿੰਦਗਾਨੀ,
ਘਰ ਸਭਨਾਂ ਦੇ ਹੋਵਣ ਜੀ ਖੁਸ਼ੀਆਂ ਤੇ ਖੇੜੇ,
ਆਉ ਵੇਲੀਓ ਬਈ ਹੋਈਏ ਕੁਦਰਤ ਦੇ ਨੇੜੇ।
ਤੂੰ ਰਾਜਾ ਕੁਦਰਤ ਦਾ ਕਿਉਂ ਭਟਕਿਆ ਰਾਹੋਂ,
ਭੱਟੀ ਬਿਨ ਪਾਣੀ ਦੇ ਉਖੜਿਆ ਸਾਹੋਂ,
ਇਸ ਧਰਤੀ ਵਿੱਚ ਉੱਘੇ ਨੇ ਰੰਗ ਬਥੇਰੇ,
ਆਉ ਵੇਲੀਓ ਬਈ ਹੋਈਏ ਕੁਦਰਤ ਦੇ ਨੇੜੇ।
ਲੇਖਕ ਸਾਹਿਤਕਾਰ ਉਪ ਸੰਪਾਦਕ ਸੱਤਿਆ ਗ੍ਰਹਿ ਨਿਊਜ਼ ਪੇਪਰ ਸੋਮਨਾਥ ਸਿੰਘ ਭੱਟੀ ਪਿੰਡ ਹਰਨਾਮਪੁਰਾ ਲੁਧਿਆਣਾ ਪੰਜਾਬ ਮੋਬਾਈਲ 9814264490
टिप्पणियाँ
एक टिप्पणी भेजें